Jacinta, casa e país, vò èster en realitat ua aportacion ara istòria recenta d'Aran en tot condar es ahèrs, vivéncies, malurs e gòis d'ua familha aranesa que pòga pòc s'a d'anar adaptant as cambis inevitables provocadi pes naui aires que pòrte era espleita dera nhèu en Aran. Ua faiçon tradicionau de víuer ei en decadéncia, e es protagonistes d'aguesta istòria, cadun ara sua manèra, an d'afrontar aguest cambi. Tàs uns, er auviatge e era sua conservacion ei tanplan çò mès important. D'auti, es mès joeni, pensen que cau anar mès anlà e sense desbrembar es arraïtz, préner tot çò qu'en un moment dat te plantge e te balhe era vida en forma d'oportunitats encara que supause deishar un sistèma de vida secular tà començar ua vida naua, luenh de casa.
